Memli Krasniqi uron Kadri Veselin për ditëlindje: Pres të ritakohemi në Prishtinë

Ish-kryetari i Kuvendit të Kosovës, Kadri Veseli, feston sot ditëlindjen e 58-të. Ai po vazhdon të mbahet në paraburgim që nga vitit 2020.

Një urim për ditëlindjen e tij, e ka bërë kryetari i PDK-së, Memli Krasniqi, transmeton Telegrafi.

Krasniqi ka shkruar që ka besim në fitoren e drejtësisë dhe të vërtetës.

“Urime ditëlindjen, Kryetar! Roli i çlirimtarëve është i shkruar me sakrificë dhe shkronja të arta në historinë tonë. Nuk ka rrethanë që e ndryshon këtë – as vendi, as koha, as distanca. Me besim në fitoren e drejtësisë dhe të vërtetës – pres të ritakohemi së shpejti, në Prishtinë”, ka shkruar Krasniqi në Facebook.