Pas të mërkurës, temperaturat pritet të shkojnë deri në 25 gradë Celsius

Meteorologu Mendim Rugova tha se “ditën e nesërme kemi intervale me diell, mirëpo pritet të ketë edhe riga lokale shiu”.

Ai tha në T7 se nga e mërkura priten temperatura “tepër të larta” për këtë periudhë.

“Prej ditës së mërkurë e kemi një mot pak më të mirë, temperatura tepër të larta. Madje ka gjasa – këtu në grafikë e kemi deri në 22-22 gradë celsius, por ka gjasa deri në 25 me mbërri vende-vende, sidomos ndoshta pjesët e Dukagjinit”, tha Mendim Rugova.

“Orëve të mbrëmjes pritet ndoshta ndonjë rigë lokale shiu. Ditën e enjte dhe të premte kemi mandej pak më shumë mundësi që të kemi të reshura”, tha ai.

Të shtunën, ai tha se pritet një rënie e temperaturave.