Projekti ambicioz austrialian/ Në Brisbane do të ndërtohet stadium me 63.000 vende, pjesë e Lojërave Olimpike 2032

Në qytetin Brisbane do të ndërtohet një stadium i ri me 63,000 vende si pjesë e Lojërave Olimpike dhe Paralimpike 2032, i cili do të jetë qendra kryesore e ngjarjeve, duke përfshirë ceremoni hapëse dhe përmbyllëse, si dhe garat atletike. Ky stadium gjithashtu do të bëhet shtëpia e re e kriketit në qytet, ndërsa stadiumi i njohur Gabba do të shembet pas Lojërave.

Vendimi për ndërtimin e stadiumit ka ardhur pas disa angazhimeve të mëparshme nga qeveria e Queensland që një stadium i ri nuk do të ndërtohej, por Kryeministri David Crisafulli pranoi vendimin dhe e mori përgjegjësinë për këtë ndryshim. Gabba, i ndërtuar në 1895, ishte konsideruar për ripërtritje, por pas një rishikimi të gjatë, kjo mundësi u anuluar.

Gjithashtu, do të ndërtohet një qendër kombëtare akuatrike me 25,000 vende në Spring Hill dhe një arenë me 20,000 vende afër fshatit kryesor të atletëve. Ngjarjet e kajakut do të mbahen në lumin Fitzroy, ndërsa Qendra e Tenisit në Brisbane do të përfitojë nga përmirësime të mëdha. Të gjitha këto projekte janë të dizajnuara për të siguruar një trashëgimi të qëndrueshme dhe sukses për Lojërat Olimpike të vitit 2032.

/ abcnews.al