Pesë prokurorë dhe 15 staf serbë tërheqin dorëheqjet në Prokurorinë e Mitrovicës

Jul 17, 2026 - 15:01
Pesë prokurorë dhe 15 staf serbë tërheqin dorëheqjet në Prokurorinë e Mitrovicës

Prokurorë dhe staf serb tërheqin dorëheqjet në Prokurorinë e Mitrovicës

Pesë prokurorë dhe 15 anëtarë të stafit mbështetës të komunitetit serb kanë tërhequr dorëheqjet e tyre të paralajmëruara më herët në Prokurorinë Themelore në Mitrovicë.

Kryetari i Këshillit Prokurorial të Kosovës (KPK), Arian Gashi, ka konfirmuar se institucioni ka pranuar rreth 20 njoftime për tërheqjen e dorëheqjeve.

“KPK ka marrë në vazhdimësi disa emaila (rreth 20) të dërguar në adresën zyrtare të kryetarit të KPK-së nga prokurorë dhe staf mbështetës të komunitetit serb të Prokurorisë Themelore në Mitrovicë, me të cilat ata e kanë informuar lidhur me njoftimet e tyre për tërheqjen e dorëheqjeve të paralajmëruara më herët”, ka deklaruar Arian Gashi për portalin Betimi për Drejtësi.

Sipas listës së siguruar, dorëheqjet i kanë tërhequr prokurorët Jagodinka Nikolić, Radica Milić, Nataša Radović, Danijela Batković dhe Bogdan Spadijer.

Ndërsa nga stafi administrativ dhe mbështetës, dorëheqjet i kanë paraqitur Dejan Delibašić, Milica Smigić, Aleksandar Marković, Radica Božović, Suzana Brajković, Saša Trpković, Dejan Hrkalović, Dejan Stojsavljević, Draginja Sofronijević, Aleksandar Miletić, Petar Jeremić, Danijela Arsić, Biljana Pelević, Milenko Radenković dhe Gordana Mitrović.

KPK ka njoftuar se kjo çështje do të diskutohen dhe trajtohen në një nga takimet e ardhshme të Këshillit.

Me pak fjalë

Prokurorë dhe staf serb tërheqin dorëheqjet e tyre të paralajmëruara në Prokurorinë e Mitrovicës. KPK ka pranuar 20 njoftime të tilla dhe do të diskutojë çështjen në një takim të ardhshëm.

Personat e përmendur


Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.