Protesta masive në Gjeorgji/ Opozita akuzon qeverinë për lidhje me Rusinë

Protesta të mëdha opozitare shënuan ditën e zgjedhjeve lokale në Gjeorgji, ndërsa policia përdori spraj piperi dhe topa uji për të shpërndarë demonstruesit pranë pallatit presidencial.
Pesë aktivistë, dy anëtarë të Partisë Kombëtare Unite, partia më e madhe opozitare, u arrestuan. Ata akuzohen për thirrje për rrëzimin e autoriteteve dhe rrezikojnë deri në nëntë vjet burg.

Partia qeverisëse Georgian Dream shpalli fitore në të gjitha komunat e vendit, në një proces zgjedhor të bojkotuar nga dy blloqet më të mëdha opozitare. Shumë demonstrues u përpoqën të hynin me forcë në pallatin presidencial, duke u përballur me masat e policisë, pas thirrjeve për një “revolucion paqësor” ndaj qeverisë, të akuzuar si pro-ruse dhe autoritare.

Ministria e Shëndetësisë raportoi se 21 pjesëtarë të forcave të sigurisë dhe gjashtë demonstrues u lënduan gjatë përplasjeve në qendër të Tbilisit. Grupi më i vogël i protestuesve bllokoi rrugë pranë pallatit, ndezi zjarre dhe u përball me policinë , duke krijuar tension të madh në qendër të kryeqytetit.

Qeveria kishte pezulluar bisedimet për anëtarësimin në Bashkimin Evropian pas zgjedhjeve të vitit të kaluar, duke nxitur protesta të gjera që vazhdojnë prej disa muajsh. Demonstruesit mbanin flamuj të Gjeorgjisë dhe të BE-së, duke kërkuar një qeverisje më demokratike dhe llogaridhënëse.

Analistët e konsiderojnë këtë si një reflektim të krizës së thellë politike në Gjeorgji, një vend që dikur njihej për orientimin e tij pro-perëndimor, por i cili ka pasur marrëdhënie të tensionuara me Perëndimin që nga pushtimi rus i Ukrainës në 2022. Georgian Dream, e konsideruar gjerësisht nën ndikimin e themeluesit Bidzina Ivanishvili, mohon lidhjet me Moskën dhe deklaron se synon anëtarësimin në BE, ndërkohë që përpiqet të ruajë marrëdhënie paqësore me Rusinë, fqinjin e saj të madh verior. Kryeministi I Gjeorgjise deklaroi kete te dielë se të gjithë ata që shkaktuan trazira do të përballen me forcat e ligjit.  / abcnews.al /