‘‘Qytetarët s’janë bankomat’’, ‘‘Stop vjedhjes’’, protesta e sotme përmes fotove – Mesazhet që i përcollën qytetarët

Protestë Qytetare Kundër Rritjes Së Çmimit Të Energjisë Elektrike! Asnjë cent më shumë’’, ishte pankarta kryesore që protestuesit e mbanin sot në protestën e zhvilluar sot në Prishtinë

Protesta e organizuar si përgjigje për të kundërshtuar shtrenjtimin e energjisë elektrike, u zhvillua duka filluar nga ora 15:00.

Fillimisht, protestuesit që ishin në numër të madh pjesëmarrësish, qëndruan në sheshin ‘‘Skënderbe’’, përballë objektit të Qeverisë, për të vazhduar më pas drejt objektit të Ministrisë së Ekonomisë.

Qytetarët, si në numër që ishin të shumtë, ashtu ishin të shumta edhe pankartat që ata i mbanin me mesazhe të ndryshme.

‘‘Energjia nuk është luks – Është nevojë’’, ‘‘Nuk paguajmë për dështimet tuaja’’, ‘‘Stop vjedhjes me tarifa’’, ishin disa nga shumë prej tyre që u panë sot.

Tjerë mesazhe që u panë në pankartat e pjesëmarrësve sot, ishin edhe ‘‘Fatura Jonë, Pasuria Juaj’’, ‘‘Ndal varfërimit të qytetarëve’’,

Fotot që janë më poshtë janë të publikuara nga Radio Evropa e Lirë.