Gruaja më e vjetër në botë/ 115-vjeçarja britanike jep “recetën” e jetëgjatësisë: Mos debatoni…

Për Ethel Caterham, sekreti i një jete të gjatë dhe në rastin e saj, me të vërtetë ka qenë vërtet shumë e gjatë, është të mos debatojë.

Caterham, e cila është 115 vjeç, u bë personi më i vjetër në botë, sipas Grupit të Kërkimeve të Gerontologjisë, pasi Motra Inah Canabarro , një murgeshë dhe mësuese braziliane, vdiq para pak ditësh në moshën 116-vjeçare.

“Nuk debatoj kurrë me askënd, dëgjoj dhe bëj çfarë të dua”, tha ajo nga azili i saj i pleqve në Surrey, në jugperëndim të Londrës, për sekretin e jetëgjatësisë së saj.

Ajo lindi më 21 gusht 1909, në fshatin Shipton Bellinger në jug të Anglisë, pesë vjet para shpërthimit të Luftës së Parë Botërore. Ajo ishte fëmija e dytë më e vogël nga tetë vëllezër e motra.

Udhëtimet i ka pasur në gjak, është e qartë. Në vitin 1927, në moshën 18-vjeçare, Caterham nisi një udhëtim për në Indi, duke punuar si dado për një familje britanike, ku qëndroi për tre vjet para se të kthehej më pas në Angli.

Ajo u takua me bashkëshortin e saj, Normanin, i cili ishte major në ushtrinë britanike në një darkë në vitin 1931 dhe ata ishin të stacionuar në Hong Kong dhe Gjibraltar, tha GRG. Ata kishin dy vajza të cilat i rritën në Mbretërinë e Bashkuar. Bashkëshorti i saj vdiq në vitin 1976./abcweb.al