Ronaldo Sharka, imazh i Top Channel, bën bilancin përballë imazhit të TV Klan, Blendi Fevziu

Në një postim ironik dhe plot humor në Instagram, Ronaldo Sharka ka bërë një krahasim mes vetes dhe gazetarit të njohur Blendi Fevziu. Me tone ironike, moderatori i Top Channel rendit disa pika që tregojnë si ngjashmëritë, ashtu edhe diferencat mes tyre.

Sharka thekson se ndonëse e ndajnë 29 vite diferencë, të dy ndajnë origjinën nga Lushnja, por karrierat e tyre ecin në ritme dhe formate të ndryshme: Fevziu dominon “Prime Time”-in e TV Klan, ndërsa Sharka ka emisionin e tij paradite në Top Channel.

Ai nuk ngurron të përmendë edhe detaje personale, si flokët që po i bien, udhëtimet më të kufizuara krahasuar me Fevziun, dhe faktin që të dy kanë preferenca të ndryshme për makinat – Benz për Fevziun, Audi për Ronaldon.

Ky krahasim, i bërë në mënyrë të lehtë dhe plot batuta, ka ngjallur interes në rrjet, duke treguar se rivaliteti mes figurave televizive mund të merret me autoironi dhe nota humori.