Rumunët protesojnë pas arrestimit të kandidatit favorit për president të ekstremit të djathtë

Dhjetëra mijëra rumunë protestuan në Sheshin e Fitores në Bukuresht pas arrestimit të Călin Georgescu, kandidatit të ekstremit të djathtë dhe favorit për president. Georgescu u arrestua teksa po mundohej të regjistrohej për zgjedhjet dhe u akuzua për tentativë për të rrëzuar rendin kushtetues si dhe për anëtarësim në një organizatë neo-fashiste.

Protestuesit, përfshirë Lavinia, një nga të pranishmit, shprehën mbështetje për Georgescun dhe kritikuan autoritetet, duke kërkuar liri dhe demokraci.

Një zhvillim i papritur u shfaq ditën e arrestimit të Georgescut, kur policia rumune zbuloi armë, granata dhe ar të fshehur në 47 prona, që lidhen me një rrjet të dyshuar, të drejtuar nga një ish-legjionar francez dhe shefi në Republikën Demokratike të Kongos. Këto zbardhje shtuan dyshimet për lidhjet e Georgescut me figura të tilla.

Në vetëm tre muaj, Rumania kaloi nga një anëtare e qëndrueshme e Bashkimit Evropian dhe NATO-s në një shtet ku një figurë ekstreme e djathtë, pro-Rusi, bëri një rritje të shpejtë dhe u bë favorit për presidencën.

/ abcnews.al