“Rusia përbën një kërcënim ekzistencial për sigurinë tonë”, Kallas: Duhet të bëjmë më shumë për mbrojtjen

Rusia po paraqet një kërcënim ekzistencial për sigurinë e Bashkimit Evropian dhe mënyra e vetme për ta adresuar këtë është rritja e shpenzimeve për mbrojtjen, tha të mërkurën shefja e politikës së jashtme të BE-së, Kaja Kallas, duke shtuar se unioni i ka ofruar prej kohësh alternativa Rusisë .

“Rusia përbën një kërcënim ekzistencial për sigurinë tonë sot, nesër dhe për aq kohë sa ne investojmë më pak në mbrojtjen tonë”, tha ajo gjatë një fjalimi në konferencën vjetore të Agjencisë Evropiane të Mbrojtjes (EDA).

“Njerëzit thonë se unë jam një ‘skifteri i Rusisë’. Unë mendoj se jam thjesht realiste për Rusinë”, shtoi Kallas.

Kallas, një nga kundërshtarët më të zëshëm të BE-së për presidentin rus Vladimir Putin, pranoi gjithashtu se Presidenti i SHBA Donald Trump kishte të drejtë kur tha se anëtarët e BE-së nuk shpenzojnë mjaftueshëm për mbrojtje.

“Koha nuk është në anën e Rusisë. Por nuk është domosdoshmërisht në anën tonë. Sepse ne ende nuk po bëjmë mjaftueshëm. Nuk duhet të ketë asnjë dyshim në mendjen tonë se ne duhet të shpenzojmë më shumë për të parandaluar luftën. Por ne gjithashtu duhet të përgatitemi për luftë”, tha Kallas./abcnews.al