Shqipëria, thesari i fshehur i Mesdheut që po mahnit botënĺ

Midis Greqisë dhe Malit të Zi, Shqipëria po fiton gjithnjë e më shumë vëmendje si një destinacion i paprekur mesdhetar. Në një artikull për revistën afrikano-jugore “Getaway Magazine”, gazetarja Lee-Ann Steyn e përshkruan Shqipërinë si një parajsë të qetë, larg turmave të zakonshme turistike.

Gjirokastra – qyteti prej guri që rrëfen histori

Udhëtimi fillon në brendësi, në Gjirokastër – qytetin e UNESCO-s me rrugë kalldrëmi dhe çati të stilit osman. Këtu mund të eksploroni pazarin tradicional, Kalanë mbresëlënëse me pamje mahnitëse dhe koleksione historike unike, si dhe të shijoni mikpritjen lokale në bujtina tradicionale.

Berati dhe Butrinti – kujtime të lashtësisë

Berati, qyteti tjetër i mbrojtur nga UNESCO, ngjan me një mozaik bardhësie mbi lumin Osum. Kalaja dhe rrugicat me shtëpi të bardha janë një udhëtim në kohë. Ndërsa Butrinti, pranë kufirit grek, është një mrekulli arkeologjike që përmbledh shekuj civilizimesh – një “Pompei” e heshtur shqiptare, mes natyrës dhe historisë.

Riviera Shqiptare – ku malet takojnë detin

Pas aventurës kulturore, Rivierës shqiptare nuk mund t’i rezistosh. Nga Vlora në jug deri në kufirin grek, kjo vijë bregdetare ofron plazhe spektakolare dhe ujëra të kristalta:

Ksamil – “Maldivet e Europës”, me ishujt dhe rërën e bardhë.

Dhërmiu – Bregdet i mrekullueshëm dhe fshat me shpirt tradicional.

Gjipja – Një parajsë e izoluar për dashamirët e natyrës dhe qetësisë.

Himara – Relaks total në gjiret e vogla dhe të qeta.

Borshi – Plazhi më i madh dhe më i gjatë në Rivierë, ideal për notues të përkushtuar.

The post Shqipëria, thesari i fshehur i Mesdheut që po mahnit botënĺ appeared first on Albinfo.