Takimi me Whitaker, Haxhiu: Mbështetja e ShBA-së jetike për Kosovën
Takimi me Whitaker, Haxhiu: Mbështetja e ShBA-së jetike për Kosovën
Ushtruesja e detyrës së Presidentes së Kosovës, Albulena Haxhiu, ka pritur në takim ambasadorin e Shteteve të Bashkuara të Amerikës në NATO, Matthew Whitaker.
Gjatë këtij takimi, Haxhiu dhe Whitaker diskutuan për zhvillimet aktuale politike, me theks të veçantë në sigurinë në rajon dhe sfidat me të cilat përballen vendet aleate. Në qendër të bisedës ishte edhe rëndësia e bashkërendimit të ngushtë ndërmjet partnerëve ndërkombëtarë për të garantuar stabilitet dhe paqe të qëndrueshme.
Haxhiu shprehu mirënjohjen e saj për mbështetjen e vazhdueshme që Shtetet e Bashkuara të Amerikës i kanë dhënë Kosovës ndër vite, duke e cilësuar këtë partneritet si thelbësor për zhvillimin dhe sigurinë e vendit.
Ajo gjithashtu vlerësoi angazhimin e Ambasadorit Whitaker në forcimin e marrëdhënieve strategjike ndërmjet Kosovës dhe SHBA-së, si dhe rolin e tij në avancimin e bashkëpunimit në kuadër të NATO-s dhe sigurisë rajonale.
Burimi i lajmit:orainfo.net
Shënim: Ky material është marrë nga burime publike në internet dhe është përpunuar për qëllime informimi nga Portali Kosova.Today.Portali nuk mban përgjegjësi për përmbajtjen origjinale të publikuar nga burimi. Nëse keni ankesa apo kërkesa për heqje materiali, ju lutem na kontaktoni në facebook/KosovaToday Faleminderit për mirëkuptimin.
