Temu dhe Shein nuk iu shpëtojnë tarifave të Trump

Presidenti i 47-të i SHBA-ve Donald Trump ka bërë një shtim në tarifat për mallrat e huaja. Ai ka vendosur tarifa edhe për produktet e lira kineze që tregtohen në aplikacionet Shein dhe Temu. Trump argumentoi se transportuesit nga Kina mund të fshinin substanca të paligjshme brenda paketimeve të këtyre produkteve të lira.

Shitësit me pakicë kineze në internet si Temu dhe Shein kanë përfituar për të shitur artikuj me kosto ultra të ulët për konsumatorët amerikanë, pasi deri më parë nuk ishin “të kërcënuar” nga vendosja e tarifave të Trump. Por duket se këtë të mërkurë “makthi” i tyre po merr jetë, pasi mund të goditen rëndë nga tarifat e reja.

Tarifat e reja për mallrat me kosto të lirë do të vendosen në çdo vend. Ato do iu nënshtrohen kontrolleve dhe tarifave si çdo mall tjetër, siç është taksa 20% për importet kineze.

Duke filluar nga 2 Maji, dërgesat nën 800 dollarë do t’i nënshtrohen një tarife prej 30% të vlerës së artikullit postar ose 25 dollarë për artikull postar. Më 1 Qershor, tarifa për artikull postar do të rritet në 50 dollarë.

Urdhri i Trump kërkon gjithashtu që çdo transportues që transporton dërgesa postare ndërkombëtare që përmbajnë mallra nga Kina ose Hong Kongu në SHBA, të ketë një obligacion transportues ndërkombëtar për të siguruar pagesën e detyrimit./abcnews.al