Tregu i kriptovalutave “në alarm” nga tarifat e Trump, Bitcoin në nivelin më të ulët që nga fundi i 2024-ës

Kriptovaluta më e madhe në botë, Bitcoin, ka përjetuar rënien më të madhe të javëve të fundit, pasi presidenti i Shteteve të Bashkuara të Amerikës, Donald Trump vendosi tarifa agresive tregtare gjatë fundjavës.

Kriptomonedha ra nga 100,000 dollarë në 91,000 dje, teksa është stabilizuar në vlerën e 95,243 dollarë sot, transmeton albinfo.ch.

Çmimi i Bitcoin-it është rritur ndjeshëm që nga zgjedhja e Trump në nëntor, duke “thyer barrierën” e 100,000 dollarëve në fillim të dhjetorit përpara se të arrinte vlerën maksimale prej 108,000 dollarë muajin e kaluar.

Tani, pas njoftimit se Trump do të prezantonte tarifa për disa vende, njerëzit po heqin paratë e tyre nga kriptovalutat.

“Perspektiva e një lufte tregtare të plotë i ka trembur investitorët teksa peshojnë mundësinë e një hakmarrjeje të gjerë nga vendet në pritje të furisë tarifore të Donald Trump. Vendet e prekura nuk do ta përballojnë goditjen dhe një skenar i tillë tani po duket i vërtetë. Kjo mund të rezultojë në inflacion më të lartë dhe të ndalojë uljen e mëtejshme të normave të interesit për momentin”, thotë Russ Mould, drejtor investimesh në AJ Bell.

The post Tregu i kriptovalutave “në alarm” nga tarifat e Trump, Bitcoin në nivelin më të ulët që nga fundi i 2024-ës appeared first on Albinfo.