Trump i kërkon Musk-ut të kthejë astronautët e NASA-s nga Stacioni Ndërkombëtar i Hapësirës

Presidenti i SHBA Donald Trump njoftoi se ai i ka kërkuar Tesla dhe X CEO, Elon Musk dhe kompanisë së tij SpaceX që të kthejnë dy astronautët e NASA-s nga Stacioni Ndërkombëtar Hapësinor (ISS) sa më shpejt të jetë e mundur.

“Kam kërkuar nga Elon Musk dhe ‘SpaceX’ që të sjellin dy astronautë të guximshëm që praktikisht u braktisën në hapësirë ​​nga administrata e (ish-presidentit të SHBA-së Joe) Biden. Elon do të jetë në rrugën e tij së shpejti. Shpresoj se gjithçka do të jetë e sigurt. Fat i mirë,”  ka shkruar Trump në rrjetin social Truth Social, raporton Reuters.

Musk konfirmoi se Trump i kërkoi atij t’i kthente astronautët “sa më shpejt të jetë e mundur”.

Kërkesa e tij që Musk të përshpejtojë kthimin e astronautëve të NASA-s Butch Wilmore dhe Sunny Williams, të cilët ishin planifikuar të ktheheshin në kapsulën SpaceX që nga gushti, është një ndërhyrje e pazakontë nga presidenti amerikan kur bëhet fjalë për operacionet e NASA-s, thekson agjencia.

Willmore dhe Williams fluturuan me anijen kozmike Boeing Starliner verën e kaluar, por në vend të tetë ditëve të planifikuara, misioni i tyre u zgjat pothuajse në një vit për shkak të problemeve me sistemin e anijes.

Në gusht, NASA gjykoi se Starliner ishte shumë i rrezikshëm për të kthyer astronautët në Tokë dhe i kërkoi SpaceX t’i kthente ata.

Williams dhe Wilmore janë aktualisht në ISS duke kryer kërkime shkencore.

NASA tha se ata janë në gjendje të mirë shëndetësore.

Nuk dihen ende të gjitha detajet se kur saktësisht do të kthehen astronautët./abcnews.al