U tha se është ndarë nga partnerja, reagon Kanye West

Kanye West përgjigjet mes thashethemeve për divorc nga gruaja Bianca Censori. Një përfaqësues i Kanye West dhe Bianca Censori ka dënuar shtypin që ‘raporton gabimisht’ për marrëdhënien e çiftit.

Në lajmet e raportuara fillimisht nga Mail Online dhe të ndjekura nga TMZ, një burim ‘i afërt me reperin’ me sa duket konfirmoi për Mail se dyshja ishin ndarë dhe madje ishin gati të bënin kërkesë për divorc.

Përfaqësuesit e Kanye kanë reagur për The Independent: “Kanye dhe Bianca janë në Los Anxhelos, gati për të shijuar Ditën e Shën Valentinit së bashku. Njoftimet për jetën e tyre private do të vijnë drejtpërdrejt nga ata, jo thashetheme pa burim në shtypin tabloid.
“A është kjo hera e pestë apo e gjashtë që shtypi raporton gabimisht se Kanye dhe Bianca po ndahen? Unë kam humbur gjurmët.”