Tre vajzat në Fier para gjykatës për rrahje brutale të shoqes
Tre vajzat para gjykatës për rrahje brutale të shoqes në Fier
Në pritje të seancës për caktimin e masës së sigurisë personale në Gjykatën e Fierit, nëna e një prej vajzave, ndaj së cilës është vendosur masa “shtrim i përkohshëm në një spital psikiatrik”, ka deklaruar se shqetësimet për gjendjen e vajzës kanë qenë të hershme.
Sipas saj, problemet kanë nisur disa muaj më parë, kur vajza ishte nxënëse në një shkollë 9-vjeçare publike. Ajo pretendon se familja kishte nevojë për mbështetje nga shkolla dhe psikologjia, por nuk mori ndihmën e nevojshme. Prindërit iu drejtuan Zyrës Arsimore në Fier dhe më pas vendosën ta regjistronin vajzën në një shkollë private.
Megjithatë, sipas nënës, vajza nuk shkoi asnjë ditë në shkollën e re, pasi ndihej e bullizuar. Ajo shprehet gjithashtu e shqetësuar pasi nuk është në dijeni as të diagnozës dhe as të trajtimit që po merr vajza.
Ndërkohë, në Gjykatën e Shkallës së Parë të Juridiksionit të Përgjithshëm Fier ka mbërritur 19-vjeçarja Lionela Lamaj. Ajo do të paraqitet para trupit gjykues për verifikimin e kushteve dhe kritereve për vijimin e zbatimit të masës së sigurimit.
Lamaj u arrestua me kërkesë të Prokurorisë, e dyshuar për kryerjen e veprës penale “Heqja e paligjshme e lirisë”, parashikuar nga neni 110 i Kodit Penal, e kryer në bashkëpunim.
Me pak fjalë
Tre vajzat para gjykatës në Fier për rrahje brutale të shoqes. Njëra prej tyre është vendosur në spital psikiatrik, ndërsa tjetra, Lionela Lamaj, do të verifikojë kushte për vijimin e masës së sigurimit.
Personat e përmendur
Burimi i lajmit: opinion.al
Shënim: Ky material është përpunuar për qëllime informimi nga Portali Kosova.Today.
