30 të arrestuar, shpërbëhet një rrjet droge në kantonin Valais

Hetimi nga policia kantonale Valais zgjati 18 muaj: nën drejtimin e prokurorisë publike dhe gjykatës për të mitur, u zbulua një rrjet droge, njoftuan autoritetet.
Rreth 30 persona janë arrestuar, mes tyre edhe të mitur. Sipas njoftimit, ata ishin të përfshirë në trafikun e mbi dy kilogramë kokainë dhe të paktën gjysmë ton hashash, që është një sasi rekord në Valais. Hetimet zbuluan gjithashtu një përfshirje “shqetësuese” në krime të dhunshme.
Rrjeti i drogës ishte aktiv në Sierre dhe rajonin përreth. Hetimet, të cilat u nisën në pranverën e 2023, çuan në një numër arrestimesh në nëntor 2023, vazhdon. Gjithsej 30 persona janë arrestuar deri më sot. Mes tyre ka edhe të mitur të cilët sipas policisë janë përfshirë si korrierë, tregtarë apo monitorues.
Protagonistët kryesorë po ndiqen penalisht për shitjen e të paktën 500 kilogramë hashash dhe mbi dy kilogramë kokainë. Vlera rrugore e hashashit është katër milionë franga dhe ajo e kokainës 175 mijë franga.
Hetimet nga autoritetet e Valais zbuluan gjithashtu një rritje të akteve të dhunshme të lidhura me aktivitetet e rrjetit, veçanërisht në mbledhjen e borxheve. Shkalla ka arritur përmasat e periferive franceze, shkruajnë ata në njoftimin për shtyp.
Një autor i dyshuar ndodhet në paraburgim, ndërsa ndaj të tjerëve janë marrë “masa alternative të paraburgimit”. Të akuzuarit përballen me disa vite burg dhe të huajt gjithashtu përballen me dëbim gjyqësor./20minuten

The post 30 të arrestuar, shpërbëhet një rrjet droge në kantonin Valais appeared first on Albinfo.