AGK ngushëllon për ndarjen nga jeta të gazetarit Faton Osmani

Asociacioni i Gazetarëve të Kosovës (AGK) shpreh ngushëllimet më të sinqerta për ndarjen nga jeta të gazetarit dhe themeluesit të Agjencisë së Lajmeve “Ekonomia Online”, Faton Osmani, në moshën 49-vjeçare.

Faton Osmani, një nga emrat më të njohur dhe me ndikim në median kosovare, ka kontribuar gjatë viteve në disa media vendore dhe ndërkombëtare. Si themelues i “Ekonomia Online”, ai ka lënë një trashëgimi të rëndësishme në gazetarinë dhe raportimin në Kosovë.

Humbja e tij është një goditje e rëndë për komunitetin mediatik dhe për shoqërinë në përgjithësi. AGK shpreh ngushëllimet për familjen, miqtë dhe kolegët e tij, duke theksuar se kontributi i tij do të mbetet i paharrueshëm për gjithnjë.