Ardon Jashari në mesin e top 10 futbollistëve me rritjen më të madhe të vlerës së kartonit në Evropë
Jashari është shpallur 3 herë Lojtari i Muajit në Belgjikë The post Ardon Jashari në mesin e top 10 futbollistëve me rritjen më të madhe të vlerës së kartonit në Evropë appeared first on Albinfo.
Ardon Jashari (22 vjeç) është bërë ylli i një klubi historik dhe legjendar në Belgjikë, Club Brugge, që pagoi në 2024 te Luzern 6 mln euro për të siguruar talentin me origjinë shqiptare, përcjell albinfo.ch.
Jashari sot ka një vlerë kartoni që prek 35 mln euro dhe brenda 8 muajve është shpallur jo vetëm Njeriu i Ndeshjes në Champions por gjithashtu 3 herë deri tani Lojtari i Muajit në Belgjikë, një ndër top 10 futbollistët me rritjen më të madhe të vlerës së kartonit në këtë periudhë kohe në Europë, shkruan telesport.
Kur në vitin 2022, në Botërorin e zhvilluar në Katar, Granit Xhaka vendosi të festonte fitoren ndaj Serbisë me një fanellë ku shkruhej mbiemri i heroit kombëtar të Kosovës Adem Jashari, pas ndeshjes së tensionuar, pati polemika pafund dhe u ngrit edhe hetim për provokim të hapur.
Mesfushori i Leverkusen sqaroi gjithçka duke thënë se ajo fanelë i përkiste Ardon Jasharit, lojtarit të Luzern në atë kohë, i grumbulluar me Zvicrën ku edhe debutoi. Ai ia kishte premtuar në rast se fitonin me Serbinë dhe e bëri. Xhaka e shihte Jasharin me të ardhme të ndritur që atëherë dhe nuk gabohej.
The post Ardon Jashari në mesin e top 10 futbollistëve me rritjen më të madhe të vlerës së kartonit në Evropë appeared first on Albinfo.
