Duda Balje sërish do të votojë kundër Vetëvendosjes

Deputetja e zgjedhur nga radhët e komunitetit boshnjak, Duda Balje, e ka bërë të qartë se sërish do të votojë kundër formimit të institucioneve nga Lëvizja Vetëvendosje. Ajo ka thënë se mes saj dhe VV-së nuk ka pasur ndonjë takim, prandaj edhe s’ka arsye të ndërrojë qëndrim.

Sa i përket presidentit, Balje ka thënë se ende asnjë parti nuk ka kërkuar bisedime me të.

“Takim nuk kam pas. Nuk ka pasur takim mes partisë time dhe Vetëvendosjes. S’kam arsye të ndërroj qëndrim nga hera e fundit. Mes meje dhe Vetëvendosjes thjesht nuk ka besim. Për presidentin nuk kemi fol me asnjë parti”, u shpreh ajo.

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.