Ciao Sergio Conceicaos, Milan me njoftim zyrtar

Sergio Conceicao është larguar nga posti i trajnerit të Milanit.

Klubi kuqezi, përmes një njoftimi zyrtar, ka njoftuar largimin e portugezit, duke i dëshiruar sukses në karrierë, shkruan IndeksOnline.

”Dëshirojmë të falënderojmë Sérgio Conceição-n dhe stafin e tij për angazhimin, profesionalizmin dhe përkushtimin e treguar gjatë kohës që drejtuan Ekipin e Parë gjatë muajve të fundit.”, thuhet në njoftim.

Vendin e tij do ta zë Masimiliano Allegri, i cili raportohet se tashmë ka nënshkruar kontartën me Milanin dhe zyrtarizimi do të bëhet shumë shpejtë.

Conceicao erdhi në Milan në fillim të muajit janar, ku fitoi Superkupën e Italisë.

Ai nuk përmbushi objektivat e klubit, duke mos arritur të kualifkohet as në garat evropiane.