Kanadaja përfshihet nga moti i ftohtë ekstrem

Ndërsa Kanadaja lufton me reshjet e dendura të borës, rajonet Prairie dhe Kanadaja Perëndimore përballen me temperatura të ulëta të rrezikshme.

Temperaturat e motit në Edmonton, kryeqyteti i Albertës kanë rënë në -29°C, ndërsa temperatura që ndihet me efektin e erës ka arritur në -38°C.

Për shkak të motit jashtëzakonisht të ftohtë, në çatitë e shtëpive, në makina, në degët e pemëve dhe në llambat e rrugëve janë krijuar masa akulli gjigante.

Kushtet e vështira të dimrit ndikojnë negativisht në jetën e përditshme të banorëve, ndërsa automjetet kanë vështirësi të kalojnë urën Dudley B. Menzies mbi lumin South Saskatchewan i cili ka ngrirë nga moti i ftohtë ekstrem.

Të ndodhur përballë kësaj situate, autoritetet u bëjnë thirrje qytetarëve që të kenë kujdes ndaj rrezikut të ngricave.