Kontrabanda e paligjshme e emigrantëve/ Autoritetet franceze kanë vënë në pranga 4.000 kontrabandistë gjatë 2024

Autoritetet franceze kanë arrestuar të paktën 4,000 kontrabandistë ilegalë të emigrantëve gjatë vitit 2024 në luftën e vazhdueshme kundër kontrabandës së paligjshme të emigrantëve.

Sipas burimeve, shumica e emigrantëve vijnë kryesisht nga toka, deti dhe pjesërisht nga ajri. Kjo alternativë e fundit vlen për emigrantët që ose kanë mundësi financiare për të marrë pasaporta false, ose që mbërrijnë në aeroportet franceze me tranzit dhe më pas, duke u shkatërruar dokumentet, bëjnë kërkesë për azil.

Alternativat mund të alternohen për emigrantët që largohen nga Afganistani, Vietnami ose Iraku me rrugë ajrore dhe mbërrijnë në Rusi, Turqi ose Emiratet e Bashkuara Arabe. Nga atje ata mund të ndjekin rrugën tokësore ballkanike, nëpërmjet Turqisë, e cila i çon përmes Bosnje-Hercegovinës në Kroaci, një vend që prej dy vitesh është anëtar i zonës Shengen.

Alternativa është kalimi me anije në Greqi, ose për të ndjekur rrugën tokësore përmes Ballkanit, ose për të shkuar direkt në Itali. Një pjesë e madhe e tyre më pas drejtohen në veri për në Mbretërinë e Bashkuar, duke rrezikuar jetën e tyre në varka të vogla.