Lista e zezë amerikane: Subjektet nga Kosova nën sanksione për krim organizativ

Jun 26, 2026 - 14:02
Lista e zezë amerikane: Subjektet nga Kosova nën sanksione për krim organizativ

Lista e zezë amerikane: Subjektet nga Kosova nën sanksione për krim organizativ

Deri në fillim të qershorit 2026, Zyra për Kontrollin e Pasurive të Huaja (OFAC) kishte vendosur sanksione kundër 131 individëve dhe subjekteve nga gjashtë shtete të Ballkanit Perëndimor. Nga këto, numri më i madh i sanksioneve lidhet me Serbinë (49), pasuar nga Kosova (29), Bosnja dhe Hercegovina (26), Maqedonia e Veriut (12), Shqipëria (8) dhe Mali i Zi (7).

Vendimet për sanksione i merr OFAC, e cila vepron në kuadër të Departamentit amerikan të Thesarit. Programet kryesore përfshijnë Global Magnitsky Act (GLOMAG) dhe Specially Designated Global Terrorist (SDGT), të cilat synojnë individët dhe organizatat e përfshira në aktivitete kriminale, korrupsion ose terrorizëm.

Subjektet nga Kosova në listën e zezë amerikane

1. FERMA IZVORI B.I.

Lokacioni: Izvore

Programi: GLOMAG

Veprimtaria: Kultivimi i frutave arrore dhe bërthamore.

Pronari Sinisha Nedeljkoviq është identifikuar nga OFAC si pjesë e një grupi të organizuar kriminal transnacional. Kompanitë e tij lidhen me korrupsion, tregti të paligjshme dhe kontrabandë ndërmjet Kosovës dhe Serbisë. Ai është i lidhur me Zvonko Veselinoviqin, i cili njihet si biznesmen nga veriu i Kosovës dhe ish-partner i Milan Radoiçiqit, organizatorit të sulmit të armatosur në Banjskë.

Data e sanksionimit: 8 dhjetor 2021

2. P.P. SHTËPIA TREGTARE METAL B.I.

Lokacioni: Zveçan

Programi: GLOMAG

Veprimtaria: Tregti me shumicë e makinerive dhe pajisjeve.

Kompania është e lidhur me Sinisha Nedeljkoviqin.

Data e sanksionimit: 8 dhjetor 2021

3. SHTËPIA TREGTARE METAL SH.P.K.

Lokacioni: Zveçan

Programi: GLOMAG

Veprimtaria: Tregti me mallra të konsumit të gjerë për ndërtimtari dhe amvisëri.

Kompania është e lidhur me Sinisha Nedeljkoviqin.

Data e sanksionimit: 8 dhjetor 2021

4. SINISHA NEDELKOVIQ B.I., P.T.P. METAL

Lokacioni: Zveçan

Programi: GLOMAG

Veprimtaria: Tregti dhe tregti me shumicë e pajisjeve.

Data e sanksionimit: 8 dhjetor 2021

Kompania është e lidhur me Sinisha Nedeljkoviqin.

5. SINISHA NEDELKOVIQ I.B.

Lokacioni: Zveçan

Programi: GLOMAG

Veprimtaria: Tregti me shumicë e makinerive dhe pajisjeve.

Kompania është e lidhur me Sinisha Nedeljkoviqin.

Data e sanksionimit: 8 dhjetor 2021

6. FERARI, NDËRMARRJE PËR SHËRBIME DHE TREGTI ME AUTOMJETE TË PËRDORURA, SH.A.

Lokacioni: Mitrovica

Programi: GLOMAG

Veprimtaria: Blerje, shitje dhe ndërmjetësim në tregtinë e automjeteve të përdorura dhe të reja.

Kompania është e lidhur me Zvonko Veselinoviqin, i cili është identifikuar si udhëheqës i një grupi të organizuar kriminal. Sipas Departamentit amerikan të Thesarit, grupi i tij është i përfshirë në skema të ryshfetit, trafikim të paligjshëm të mallrave, parave, narkotikëve dhe armëve ndërmjet Kosovës dhe Serbisë.

Data e sanksionimit: 8 dhjetor 2021

7. PRIZMA B.I.

Lokacioni: Mitrovica

Programi: GLOMAG

Veprimtaria: Ndërtimi i objekteve të infrastrukturës.

Sipas të dhënave të ARBK-së, kompania është kaluar në status pasiv në qershor 2022, disa muaj pas vendosjes së sanksioneve.

Kompania është e lidhur me Zvonko Veselinoviqin.

Data e sanksionimit: 8 dhjetor 2021

8. ZHARKO VESELINOVIQ B.I., S.T.R. KRISTAL

Lokacioni: Mitrovica e Veriut

Programi: GLOMAG

Veprimtaria: Formësimi dhe përpunimi i xhamit të rrafshët.

Kompania është zyrtarisht në status pasiv që nga qershori 2022. Zharko Veselinoviqi është identifikuar si udhëheqës i grupit të organizuar kriminal të vëllait të tij, Zvonko Veselinoviqit, i cili është i përfshirë në tregti të paligjshme dhe kontrabandë.

SHBA-ja, në raportin e saj, përmend një aktakuzë që lidh anëtarët e këtij grupi me vrasjen e politikanit serb Oliver Ivanoviqit më 2018.

Data e sanksionimit: 8 dhjetor 2021

9. RAD D.O.O.

Lokacioni: Zveçan

Programi: GLOMAG

Veprimtaria: Ndërtimtari dhe ndërtim i objekteve të larta.

Pronari Radulle Steviqi dhe kompania kanë bashkëpunuar me politikanë lokalë për të siguruar monopol në projektet ndërtimore përmes prokurimeve publike të manipuluara. Kompania është pjesë e grupit të organizuar kriminal të Zvonko Veselinoviqit.

Data e sanksionimit: 8 dhjetor 2021

10. RADULE STEVIC B.I., P.T.P. RAD

Lokacioni: Zveçan

Programi: GLOMAG

Veprimtaria: Ndërtimtari.

Pavarësisht sanksioneve, kompania, përmes degës së regjistruar në Serbi, vazhdoi të lidhte kontrata për punë infrastrukturore në komunat me shumicë serbe në Kosovë.

Data e sanksionimit: 8 dhjetor 2021

11. RADOVAN RADIC B.I., P.P. EU RR GRADNJA

Lokacioni: Zupç

Programi: GLOMAG

Veprimtaria: Ndërtimtari.

Pronari Radovan Radiqi është identifikuar si anëtar i grupit të organizuar kriminal të Zvonko Veselinoviqit.

Data e sanksionimit: 8 dhjetor 2021

12. P.P. BABUDOVAC B.I.

Lokacioni: Jasenovik

Programi: GLOMAG

Veprimtaria: Shitje me shumicë e ushqimit, pijeve dhe duhanit.

Kompania është në pronësi ose nën kontrollin e Milan Radisavleviqit, i cili është përcaktuar si anëtar i grupit të organizuar kriminal të Zvonko Veselinoviqit.

Data e sanksionimit: 8 dhjetor 2021

13. N.P.T.T. DONA-SHELL

Lokacioni: Pejë

Programi: SDNTK

Veprimtaria: Transport dhe logjistikë.

Lidhje me organizatën kriminale të Naser Kelmendit. Kompania është e lidhur drejtpërdrejt me Besnik Kelmendin, i cili është cilësuar si një nga operativët kryesorë në rrjet dhe ka qenë subjekt i hetimeve ndërkombëtare për dyshime se ka shërbyer si mbulesë për pastrim parash.

Data e sanksionimit: 24 mars 2015

14. RINGJALLJA E SHOQATËS SË TRASHËGIMISË ISLAME, dega në Kosovë

Statusi: E mbyllur dhe e sanksionuar

Lokacioni: Prishtinë

Programi: SDGT

Veprimtaria: Organizatë humanitare

Data e sanksionimit: 13 qershor 2008

Me pak fjalë

Lista e zezë amerikane përmban 29 subjekte nga Kosova, të sanksionuara kryesisht për lidhje me krimin e organizuar transnacional, korrupsion dhe aktivitete ilegale. Shumica e tyre janë të lidhura me grupin e Zvonko Veselinoviqit, i cili është identifikuar si një nga figurat më të rëndësishme kriminale në veri të Kosovës. Sanksionet janë vendosur përmes programit GLOMAG dhe kanë ndikim të drejtpërdrejtë në aktivitetet ekonomike dhe politike të vendit.

Personat e përmendur


Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.