Maqedonia po përballet krizë të thellë demografike
Sipas projeksioneve të Entit të Statistikave, nëse ky trend vazhdon, deri në vitin 2070 popullsia mund të zbresë në vetëm 500.000 banorë The post Maqedonia po përballet krizë të thellë demografike appeared first on Albinfo.
Maqedonia e Veriut po përballet me një krizë demografike të thellë, për të cilën ekspertët po japin alarmin.
Të dhënat e fundit të publikuara nga Enti Shtetëror i Statistikave, tregojnë se vetëm në tremujorin e parë të vitit 2025, në vend kanë lindur 3.526 foshnje, ndërsa kanë vdekur 5.398 persona.
Kjo do të thotë se numri i lindjeve po bie, ndërsa ai i vdekjeve po rritet, duke krijuar një rënie natyrore prej 1.872 banorësh, shkruan Scan, transmeton albinfo.ch.
Por më koplekse bëhet situata duke analizuar të dhënat për martesat, ku numri ka rënë për 25% krahasuar me të njëjtën periudhë të vitit të 2024-ës.
Sipas projeksioneve të Entit të Statistikave, nëse ky trend vazhdon, deri në vitin 2070 popullsia mund të zbresë në vetëm 500.000 banorë.
Kjo shifër sipas ekspertëve, kërcënon tërësisht të ardhmen e vendit dhe për këtë sipas tyre duhen marrë urgjentisht masa, pasi Maqedonia e Veriut po boshatiset.
Realizimi i hipotezave të miratuara mbi fertilitetin, mortalitetin dhe migrimet, por edhe e ashtuquajtura inercioni demografik që kushtëzohet nga strukturat e moshës së trashëgueshme, do të përcaktonte gjithashtu trendet e ardhshme të komponentëve të lëvizjes së popullsisë, respektivisht dinamikën e numrit të lindjeve të gjalla, numrin e vdekjeve dhe vëllimin e bilancit të migracionit në dekadat e ardhshme.
The post Maqedonia po përballet krizë të thellë demografike appeared first on Albinfo.
