Më pak zhurmë dhe aksidente falë kufirit prej 30 km/h, thotë qyteti i Fribourg-ut

Qyteti i Fribourg-ut njoftoi se kufiri i shpejtësisë prej 30 km/h, i vendosur në vjeshtën e vitit 2023 në 60% të rrugëve të qytetit, ka pasur efekte pozitive në uljen e zhurmës dhe të aksidenteve rrugore.

Sipas një studimi të kryer në bashkëpunim me Shkollën e Inxhinierisë dhe Arkitekturës të Fribourg-ut dhe Departamentin e Mjedisit, matjet treguan një ulje mesatare prej 2.1 decibelësh në ndotjen akustike gjatë ditës, që përkthehet në një ndjesi prej 40% më pak trafik për banorët, transmeton albinfo.ch.

Raportet e policisë kantonale tregojnë një tendencë në rënie të aksidenteve dhe ashpërsisë së tyre në vitin 2024.

The post Më pak zhurmë dhe aksidente falë kufirit prej 30 km/h, thotë qyteti i Fribourg-ut appeared first on Albinfo.