Ministri i Jashtëm francez vizitë në Ruandë dhe Kongo, përpjekje për t’i dhënë fund përshkallëzimit të konfliktit

Ministri i Jashtëm i Francës pritej të arrinte në Ruandë të enjten pas bisedimeve në Republikën Demokratike të Kongos si pjesë e përpjekjeve për të parandaluar një përshkallëzim rajonal pas kapjes në qytetin Goma në lindje të Kongos nga rebelët M23 dhe trupat ruandeze.

Franca, që ka marrë drejtimin e krizës për Këshillin e Sigurimit të OKB-së, ka tentuar të luajë një rol diskret që pas hyrjes së rebelëve në Goma dhe vazhdimit të ofensivës së tyre në jug, në përshkallëzimin më të madh që nga viti 2012 të një konflikti që ka zgjatur dekada.

Të martën, protestuesit shpërthyen ne revolta në ambasadat e huaja, përfshirë misionin francez në kryeqytetin e Kongos, duke akuzuar Francën për ndërhyrje të huaj. Parisi ka përmirësuar marrëdhëniet me Ruandën vitet e fundit pas dekadash mosmarrëveshjesh dhe ka interesa të lidhura me Ruandën, përfshirë rolin e Kigali në ndihmën për stabilizimin e Mozambikut, ku kompania franceze e energjisë Total ka një projekt të madh gazsjellës.

/ abcnews.al