Norvegjia sekuestron anijen ruse në Arktik, do shfrytëzohet si kompensim për Ukrainën

Autoritetet norvegjeze kanë sekuestruar anijen ruse të pasagjerëve Professor Molchanov pranë ishullit arktik të Svalbardit me kërkesë të kompanisë shtetërore të energjisë ukrainase Naftogaz, tha kompania në një deklaratë, të konfirmuar nga policia për shtypin.

Masa synon zbatimin e një vendimi arbitrazhi që e detyroi Moskën të paguante 4.22 miliardë dollarë për “sekuestrimin e paligjshëm” të aseteve të grupit ukrainas kur gadishulli i Krimesë u aneksua në vitin 2014.

“Ky është një hap tjetër i rëndësishëm drejt drejtësisë pas sekuestrimit të paligjshëm të aseteve të Naftogaz në Krime nga Rusia”, tha në një deklaratë drejtori i përgjithshëm i përkohshëm i kompanisë, Sergei Fedorenko.

“Ne do të vazhdojmë të kërkojmë për asetet ruse në të gjithë botën deri në pagesën e plotë të kompensimit që vendoset t’i jepet Naftogaz dhe kompanive të tjera të grupit Naftogaz”, shtoi ai.

Sekuestrimi u urdhërua më 31 gusht 2026 nga një gjykatë norvegjeze për të siguruar pagesën e borxhit rus, interesit dhe kostove të lidhura, tha kompania ukrainase në një deklaratë.

Sipas VesselFinder, anija Professor Molchanov është ankoruar në qytetin minerar të Barentsburgut.

Policia e Svalbardit konfirmoi sekuestrimin.

“Policia e Svalbardit ka marrë një urdhër gjykate për sekuestrimin paraprak të anijes Professor Molchanov dhe ka kryer sot me sekuestrimin në Barentsburg”, tha Håkon Finstad, oficer policie.

The post Norvegjia sekuestron anijen ruse në Arktik, do shfrytëzohet si kompensim për Ukrainën appeared first on InfoShqip.com.

Burimi i lajmit: infoshqip.com
Shënim: Ky material është përpunuar për qëllime informimi nga Portali Kosova.Today.