Pas finales, Egli i la të gjithë gojëhapur me veprimin e fundit – lidhet me Gjestin

Egli Tako rrëfen përvojën unike në “Big Brother VIP Albania”: Emocione, reflektim dhe dashuri që vazhdon jashtë shtëpisë

Një nga personazhet më të spikatura dhe më të komentuara të këtij edicioni të Big Brother VIP Albania ishte pa dyshim Egli Tako.

Finalistja simpatike dhe me shumë ngjyra, e cila përmes natyrës së saj të drejtpërdrejtë dhe emocionale, arriti të fitojë dashurinë dhe mbështetjen e një pjese të madhe të publikut shqiptar.

Pas përfundimit të rrugëtimit të saj në spektakël, Egli ka dhënë një intervistë ekskluzive për ‘Top Channel’, ku ka reflektuar me sinqeritet dhe thellësi për gjithçka ka përjetuar brenda shtëpisë më të famshme në Shqipëri.

Në fjalët e saj ndjehej qartë një ndjesi mirënjohjeje dhe krenarie për rrugën e bërë, si dhe një falënderim i thellë për të gjithë ata që e kanë mbështetur.

“Unë në këtë ‘Big Brother’ kam arritur t’i tregoj të gjitha ngjyrat e mia. Kam shfaqur emocionet më të thella, kam qeshur, kam qarë, jam ngritur dhe jam rrëzuar, por mbi të gjitha, kam dashuruar dhe jam dashuruar.

Kjo eksperiencë nuk ka qenë e lehtë, por ka qenë jashtëzakonisht formuese dhe transformuese për mua,” u shpreh Egli gjatë intervistës.

Ajo shtoi se ishte mirënjohëse ndaj Zotit, vetes së saj për forcën dhe guximin, familjes që e ka mbështetur pa kushte, si dhe stafit të ‘Top Channel’ për gjithë punën dhe përkushtimin e tyre gjatë gjithë kohës.

Por, një falënderim i veçantë në fjalët e saj shkoi për Gjestin — banorin me të cilin krijoi një lidhje të veçantë gjatë qëndrimit në shtëpi.

“Nuk mund të lë pa përmendur dhe Gjestin, i cili mirë apo keq, ka arritur të më nxjerrë të gjitha ngjyrat. Ka pasur momente të bukura, por edhe sfiduese mes nesh, dhe pikërisht përmes këtij raporti kam mësuar shumë edhe për veten time,” tregoi Egli me ndjeshmëri.

Për publikun, lidhja mes Egli Takos dhe Gjestit ka qenë një nga temat më të diskutueshme dhe më të ndjekura të këtij edicioni.

Dinamika mes tyre, momentet e afërsisë, tensioneve dhe emocioneve, i dhanë një dimension të veçantë rrugëtimit të Eglit në shtëpi. Ata shpesh kanë treguar se, pavarësisht sfidave, ndjenja mes tyre është e sinqertë dhe e thellë.

Pas përfundimit të spektaklit, të dy janë shprehur të vendosur për të vazhduar lidhjen edhe jashtë shtëpisë, duke e përballuar realitetin larg kamerave me të njëjtën sinqeritet dhe dëshirë për të ndërtuar diçka të vërtetë.

Egli Tako ka treguar se është një grua me zemër të madhe, guximtare dhe autentike.

Rrugëtimi i saj në Big Brother VIP Albania nuk ka qenë thjesht një garë për finalen, por një udhëtim i thellë personal që e ka lidhur me zemrat e shumë shqiptarëve.

Pavarësisht nëse e fitoi apo jo çmimin e madh, Egli ka fituar një përvojë jetësore të paçmueshme dhe një publik që e do dhe e respekton.

Në fund të intervistës, ajo u shpreh se është gati për kapitullin e radhës, me më shumë dashuri, më shumë reflektim dhe mbi të gjitha, me një ndjesi të thellë falënderimi për gjithçka që ka qenë dhe për gjithçka që do të vijë./ORAinfo/