Policia kufitare amerikane arreston rreth 1200 emigrantë në ditë

Autoritetet e imigracionit arrestuan rreth 1200 emigrantë të paligjshëm në kufirin SHBA-Meksikë në vetëm një ditë, dhe gati gjysma e të arrestuarve nuk kanë të dhëna kriminale, tha një zyrtar i lartë i administratës Trump.

Të dhënat tregojnë se Forcat e Emigracionit dhe Doganave arrestuan gjithsej 1,179 persona të dielën, por vetëm 613 nga këto arrestime, ose 52 për qind, u konsideruan “arrestime kriminale”, raporton NBC News, duke shtuar se pjesa tjetër e të arrestuarve ishin kryesisht pa asnjë krim tjetër përveç kalimit të paligjshëm të kufirit.

Mes të arrestuarve janë edhe tetë persona që konsiderohen si kriminelët më të këqij.

Megjithatë, të paktën 566 persona që u arrestuan të dielën nuk kryen asnjë krim dhe u ndaluan vetëm sepse nuk kishin autoritet ligjor për të qëndruar në SHBA.

Zyrtarët e administratës dhe presidenti Donald Trump kanë thënë në mënyrë të përsëritur se do të kenë përparësi ndalimin dhe dëbimin e emigrantëve pa dokumente që kanë kryer krime të rënda.

Shefi i Patrullës Kufitare Tom Homan i tha NBC News të dielën se ai ishte në dijeni të “të paktën disa” arrestimeve kolaterale, ose ndalimit të njerëzve pa bindje penale që ishin të pranishëm gjatë bastisjeve.

“Ne duam të kapim sa më shumë kriminelë. Ata janë një kërcënim për sigurinë publike,” tha ai./abcnews.al