Presidentja Osmani: Kosova do qëndrojë e pandarë, e patrazuar, e përjetshme si aleanca jonë me SHBA-në

Presidentja e vendit, Vjosa Osmani ka thënë se aleanca me Shtetet e Bashkuara të Amerikës është e pakrahasueshme, dhe këtë ajo përmend se do ta forcojnë përmes formulës së presidentit Donald Trump.

Këtë ajo e tha në një intervistë të dhënë për influencerin e platformës X, Mario Nawfal, ku ndër tjera shton se Kosova do të mbetet e pandarë dhe e patrazuar, transmeton klankosova.tv.

”Si kombi më pro-amerikan në botë, jemi krenarë që qëndrojmë krah për krah me popullin amerikan, përmes çdo sfide. Është një aleancë pa krahasim—një aleancë që mezi presim ta forcojmë përmes formulës së presidentit Donald Trump për “paqen përmes forcës”.

”Unë u ula me Mario Nawal për të biseduar mbi udhëtimin e Kosovës—nga historia e saj, te mbijetesën nga gjenocidi, deri në ndërtimin e një shëndeti të lirisë, një demokracie që do paqen, që po lulëzon dhe që ka një shikim përpara. Kosova do të qëndrojë: e pandarë, e patrazuar, e përjetshme! Dhe ashtu do të jetë edhe aleanca jonë me Shtetet e Bashkuara të Amerikës!”.

Tutje presidentja Osmani shton se Kosova është shembull se NATO kur udhëhiqet nga vlerat, mund të shpëtojë jetë.

”Kosova është prova që drejtësia, kur mbron, mund të triumfojë.
Që NATO, kur udhëhiqet nga vlerat, mund të shpëtojë jetë.
Që liria, kur e fiton, bëhet forca më e madhe e një kombi.
Dhe që ne nuk i kemi harruar kurrë ata që na qëndruan atëherë—dhe ata që na qëndrojnë sot”.