Presidentja Osmani pranon letrat kredenciale të ambasadorit të ri të Hungarisë në Kosovë

Presidentja e Kosovës, Vjosa Osmani, ka pranuar sot letrat kredenciale nga ambasadori i ri i Hungarisë në Kosovë, z. László István Dux, përcjell albinfo.ch.

Ceremonia u zhvillua në institucionin e presidencës, ku Osmani i uroi mirëseardhjen ambasadorit dhe vlerësoi marrëdhëniet e mira ndërmjet dy vendeve.

Në postimin e presidencës në Facebook, theksohet se Hungaria ishte ndër vendet e para që njohu pavarësinë e Kosovës, duke theksuar rëndësinë e bashkëpunimit të mëtejshëm. Presidentja Osmani shprehu përkushtim për zgjerimin e marrëdhënieve në fusha me interes të përbashkët, duke përfshirë arsim dhe ekonomi.

The post Presidentja Osmani pranon letrat kredenciale të ambasadorit të ri të Hungarisë në Kosovë appeared first on Albinfo.