Qyteti zviceran detyron pronarët e qenve të pastrojnë edhe urinën e kafshëve

Komuna e Chiassos, në kantonin Ticino, është bërë e para në Zvicër që u kërkon pronarëve të qenve të pastrojnë jo vetëm jashtëqitjet, por edhe urinën e kafshëve të tyre në hapësirat publike, përcjell albinfo.ch.

Sipas rregullores së re, pronarët duhet të mbajnë me vete një shishe të vogël ose enë tjetër me ujë dhe, menjëherë pasi qeni urinon në rrugë apo trotuar, ta shpëlajnë zonën me një sasi të mjaftueshme uji.

Autoritetet lokale thonë se masa synon të përmirësojë pastërtinë dhe higjienën në hapësirat publike, veçanërisht gjatë muajve të verës.

Mosrespektimi i kësaj rregulloreje do të ndëshkohet me gjobë deri në 100 franga zvicerane.

Chiasso është aktualisht komuna e vetme në Zvicër që ka miratuar një rregullore të tillë për pronarët e qenve./Albinfo.ch

The post Qyteti zviceran detyron pronarët e qenve të pastrojnë edhe urinën e kafshëve appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.