Raportohet se është arrestuar edhe një person tjetër për plantacionin e drogës në Sferkë të Klinës

Raportohet se është arrestuar edhe një person tjetër si i dyshuar për rastin e kultivimit të drogës në Sferkë të Klinës.

Shkelqim Xhija, raportohet të jetë i arrestuari i dytë për sot, të njëjtit i është vendosur masa e ndalimit për 48 orë.

Për të njëjtën çështje sot u arrestua edhe Klodian Qokli.

Shtatorin e vitit të kaluar, policia pati gjetur një plantacion narkotikësh në fshatin Sferkë të Klinës. Në atë rast u pat konfiskuar mbi 1 ton drogë e llojit kanabis, vlera e të cilit shkonte në mbi 5 milionë euro.

Për këtë rast, ka pasur edhe të tjerë të arrestuar. Në ditën kur policia kishte ndërmarrë aksionin në plantacionin në fjalë, patën arrestuar të dyshuarin Aleks Gerbi, shtetas shqiptar. Ndërkaq, u pat thënë se janë edhe 6 të tjerë të dyshuar.