Shpallet urdhërarrest për 4 persona pas tragjedisë ku humbën jetën 59 të rinj në diskotekën e Koçanit në Maqedoni

Sipas raportimeve zyrtare, mes viktimave në Mawedoninë e Veriut ndodhet edhe një oficer policie nga Probishtipi, i cili ishte në detyrë atë natë. Ministri i Punëve të Brendshme, Pançe Toshkovski, njoftoi se për katër persona është shpallur urdhër-arrest, ndërsa hetimet po vazhdojnë për të zbuluar shkaqet dhe përgjegjësit e tragjedisë.

Dyshohet se zjarri u shkaktua nga efektet piroteknike të përdorura gjatë koncertit, të cilat ndezën tavanin dhe çuan në kolapsin e strukturës.

Hetimet po përqendrohen në sigurinë e objektit dhe përgjegjësinë e pronarëve, pasi diskoteka ishte e ndërtuar në një shtëpi njëkatëshe me dalje të kufizuara, duke bërë që njerëzit të mos kishin mundësi të shpëtonin në kohë.

Dëshmitarët raportojnë se zjarri shpërtheu rreth orës 2:30 pas mesnate dhe përhapja e flakëve shkaktoi kaos dhe panik të madh.

Numri i viktimave nga zjarri në diskotekën “Puls” në Koçan ka arritur në 59, mes tyre edhe të mitur.

Ndër të vdekurit është edhe një polic nga Probishtipi, i cili atë natë ishte në detyrë në diskotekë, njoftoi ministri i Punëve të Brendshme, Pançe Toshkovski.

Për katër persona është shpallur urdhër arresti, por Toshkovski nuk dha detaje mbi numrin e personave të arrestuar deri tani.

“Po ndërmerren hapa edhe në Ministrinë e Ekonomisë për të siguruar dokumentacionin e diskotekës dhe të personave të lidhur me të. Mes viktimave është edhe një oficer policie nga stacioni policor i Probishtipit, i cili në atë moment ishte në detyrë dhe po vepronte sipas një plani të mëparshëm për mbikëqyrjen e objekteve të natës në lidhje me tregtinë e paligjshme të drogës dhe praninë e të miturve,” tha Toshkovski.

Ai nuk ka dhënë informacione mbi personat për të cilët është shpallur urdhër-arresti, duke deklaruar se nuk mund të japë detaje për momentin.

“Të gjitha inspektoratet do të përfshihen në kontroll gjatë ditës. Po analizohet çdo detaj që mund të lidhet me këtë ngjarje tragjike, përfshirë dokumentacionin teknik të ndërtesës, licencat, procedurat dhe sigurinë e objektit,” shtoi ai.

Diskoteka “Puls” ndodhet në një shtëpi njëkatëshe me një dritare me hekura dhe një hyrje/dalje të vogël. Ajo ndodhet në një rrugë me shtëpi të vendosura ngushtë me njëra-tjetrën.

Sipas informacioneve fillestare, zjarri shpërtheu për shkak të përdorimit të mjeteve piroteknike për efektet e dritës gjatë koncertit të grupit DNK. Në koncert ndodheshin rreth 1.500 persona, dhe pas shpërthimit, turma u përpoq të dilte në panik përmes së vetmes derë të objektit.

Sipas burimeve zyrtare zjarri shpërtheu rreth orës 2:30 pas mesnate.

Kjo tragjedi ka tronditur mbarë opinionin publik dhe ka ngritur shumë pikëpyetje mbi sigurinë në objektet e argëtimit dhe neglizhencën e mundshme të institucioneve përkatëse. Familjet e viktimave kërkojnë drejtësi, ndërsa autoritetet kanë premtuar një hetim të thelluar për të ndëshkuar përgjegjësit.

The post Shpallet urdhërarrest për 4 persona pas tragjedisë ku humbën jetën 59 të rinj në diskotekën e Koçanit në Maqedoni appeared first on Albinfo.