Sulm me molotov gjatë një tubimi për pengjet izraelite në Kolorado, 8 persona të plagosur

Tetë persona u plagosën të dielën kur një burrë 45-vjeçar bërtiti “Palestina e lirë” dhe hodhi koktej molotov ndaj një turme gjatë një tubimi në mbështetje të pengjeve izraelite ende të mbajtura në Gaza.

Ngjarja ndodhi në Pearl Street Mall, një zonë popullore për këmbësorë pranë Universitetit të Kolorados, ku zhvillohej një tubim paqësor i organizuar nga grupi Run for Their Lives, shkruan Reuters.

Të plagosurit, të moshës nga 67 deri në 88 vjeç, u dërguan në spital, dhe të paktën njëri prej tyre ndodhet në gjendje kritike. FBI tha se po e heton ngjarjen si akt terrorizmi.

“Bazuar në të dhënat fillestare, është e qartë se kemi të bëjmë me një akt të qëllimshëm dhune,” deklaroi Mark Michalek, agjent special i FBI-së në Denver. Autori është identifikuar si Mohamed Soliman./abcnews.al