Suzana tregon përkushtim të lartë në Forcën Ajrore të Shteteve të Bashkuara
Ajo ka fituar gradë prestigjioze e cila arrihet nga vetëm 1.8% e oficerëve të Forcës Ajrore The post Suzana tregon përkushtim të lartë në Forcën Ajrore të Shteteve të Bashkuara appeared first on Albinfo.
Pa dyshim një arritje historike për Kolonelen Suzana M. Gjekaj nga Gucia e cila ka fituar gradën “Kolonele” në Forcën Ajrore të Shteteve të Bashkuara, transmeton albinfo.ch.
Kjo gradë prestigjioze arrihet nga vetëm 1.8% e oficerëve të Forcës Ajrore, duke shënuar një moment të rëndësishëm në karrierën e saj të shquar ushtarake.
Kolonelja Gjekaj aktualisht shërben si Shefe e Stomatologjisë Pediatrike në Skuadrën Dentare të Bazës Ajrore Ramstein, Gjermani, ku drejton një ekip që ofron kujdes shëndetësor për 16,500 pacientë në objektin e dytë më të madh dentar të Forcës Ajrore Amerikane.
Që nga emërimi i saj në Forcën Ajrore të SHBA në vitin 2003, Kolonelja Gjekaj ka shërbyer në Gjermani, Korenë e Jugut, Itali, Japoni dhe SHBA, duke shkëlqyer si në lidership ashtu edhe në fushën klinike.
Ajo është një dentiste pediatrike e certifikuar dhe ka kontribuar në edukimin mjekësor ushtarak si Profesore Asistente në Universitetin e Shkencave Shëndetësore të Shërbimeve të Uniformuara.
Puna dhe përkushtimi i saj janë një frymëzim për shqiptarët dhe komunitetin ndërkombëtar, duke treguar përsosmërinë si në fushën ushtarake ashtu edhe në atë mjekësore.
The post Suzana tregon përkushtim të lartë në Forcën Ajrore të Shteteve të Bashkuara appeared first on Albinfo.
