Vuloset shkarkimi i Presidentit/ Kore e Jugut, Gjykata Kushtetuese mbështet vendimin e Parlamentit

Gjykata Kushtetuese në Korenë e Jugut vendosi në mbështejte të vendimit të parlamentit për shkakrimin nga detyra të presidentit Yoon Suk Yeol, pasi ai miratoi ligjin ushtarak në vend në 3 dhjetor, një lëvizje kjo që u konsideruar shkelje e rendë e kUshtetutës dhe një kërcënim për demokracinë.

Kjo është hera e dytë në historinë moderne të Koresë së Jugut që një president shkarkohet nga detyra përmes një procesi kushtetues. Aktualisht, Kryeministri Han Duck-soo ka marrë detyrën e presidentit të përkohshëm dhe do të udhëheqë vendin deri në zgjedhjet presidenciale që, sipas Kushtetutës, duhet të mbahen brenda 60 ditëve.

Në deklaratën e tij, Kryetari në detyrë i Gjykatës Kushtetuese, , theksoi se Presidenti Yoon kishte “shkelur rëndë detyrimet kushtetuese” përmes përdorimit të forcës ushtarake ndaj parlamentit. Ai e quajti vendimin për shpalljen e gjendjes ushtarake një “tradhëti të madhe ndaj besimit të popullit”.

Gjykata rrëzoi pretendimet e Yoon se masa ekstreme ishte e nevojshme për të ndalur abuzimin e shumicës parlamentare nga partia opozitare, duke theksuar se ekzistojnë mekanizma ligjorë për të adresuar mospajtimet politike. Pas vendimit, flamuri presidencial në pallatin presidencial u ul dhe portretet e Presidentit Yoon në bazat ushtarake u urdhëruan të hiqen dhe të asgjësohen, sipas ligjit.

Vendimi u prit me entuziazëm nga mijëra qytetarë që kishin protestuar për muaj me radhë duke kërkuar dorëheqjen e presidentit. “Fitore e demokracisë” ishte thirrja kryesore në sheshet e Seulit. Ndërkohë, mbështetësit e Yoon-it u mblodhën pranë rezidencës presidenciale, ku disa prej tyre reaguan me tronditje dhe zemërim. Një protestues u arrestua për vandalizëm, por shumica e tubimeve mbetën paqësore.

Partia në pushtet, e drejtuar aktualisht nga udhëheqësi i përkohshëm Kwon Young-se, premtoi bashkëpunim me presidentin e përkohshëm për të garantuar stabilitetin institucional. Zgjedhjet e reja presidenciale te cilat duhet te mbahen deri ne 3 qershor  pritet të jenë të tensionuara. Favoriti kryesor është Lee Jae-myung, udhëheqësi i Partisë Demokratike liberale, i cili humbi ngushtë përballë Yoon në zgjedhjet e vitit 2022. Megjithatë, ai përballet me disa procese gjyqësore për korrupsion. Kampi konservator, nga ana tjetër, përballet me një fushë të hapur kandidatësh dhe sfida për të rimarrë besimin e elektoratit.