Zelensky para ministrave të mbrojtjes: Po luftojmë kundër vdekjes që Rusia po sjell në tokën tonë

Presidenti i Ukrainës, Volodymyr Zelenskyy, në një fjalim të ndjerë drejtuar ministrave të mbrojtjes, përshkroi situatën e rëndë në vijën e frontit duke theksuar shkatërrimin e shkaktuar nga ushtria ruse.

“Ushtria ruse i ka kthyer qytetet dhe fshatrat tona në rajonin e Donetskut dhe më tej në rrënoja, dhe pikërisht këtë po përpiqemi ta ndalojmë. Ne po luftojmë kundër vdekjes, vdekjes që Rusia po sjell në tokën tonë.”” tha ai.

Zelenskyy kërkoi një moment heshtjeje për të nderuar jetët e humbura të ukrainasve nga lufta dhe theksoi se Ukraina ka besim të plotë se do të mund ta shtyjë Rusinë drejt paqes.

Në vijim, ai bëri thirrje për mbështetje të vazhdueshme ndërkombëtare në forcimin e mbrojtjes ajrore të vendit. “Sa më e fortë të jetë mbrojtja jonë ajrore, aq më pak Putin do të ketë sukses në sulmet ndaj qyteteve dhe fshatrave tona,” u shpreh presidenti ukrainas. / abcnews.al