Siri Walt nis zyrtarisht detyrën si Ambasadore e Zvicrës në Shqipëri

Ambasadorja e Zvicrës në Shqipëri, Siri Walt, ka nisur zyrtarisht detyrën e saj pas dorëzimit të letrave kredenciale te Presidenti i Republikës së Shqipërisë, Bajram Begaj, transmeton albinfo.ch.

Me këtë ceremoni, Walt ka filluar misionin e saj diplomatik në Shqipëri, në një kohë kur marrëdhëniet mes dy vendeve karakterizohen nga bashkëpunimi i ngushtë dhe lidhjet e shumta ndërmjet popujve.

Zvicra dhe Shqipëria kanë ndërtuar ndër vite një marrëdhënie të qëndrueshme miqësie dhe bashkëpunimi, me lidhje të forta jo vetëm në nivel institucional, por edhe ndërmjet qytetarëve të dy vendeve.

Me rastin e fillimit të mandatit të saj, pala zvicerane ka shprehur gatishmërinë për të vazhduar bashkëpunimin e ngushtë me Shqipërinë, duke u mbështetur në vlerat dhe prioritetet e përbashkëta.

Misioni i ri i Ambasadores Siri Walt pritet të fokusohet në forcimin e mëtejshëm të marrëdhënieve dypalëshe dhe në avancimin e bashkëpunimit ndërmjet Zvicrës dhe Shqipërisë në fusha me interes të përbashkët./Albinfo.ch

The post Siri Walt nis zyrtarisht detyrën si Ambasadore e Zvicrës në Shqipëri appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.