CIA, vlerësim të ri për origjinën e COVID-19: Ka dalë nga një laborator kinez

CIA ofroi një vlerësim të ri mbi origjinën e shpërthimit të Covid, duke thënë se koronavirusi ka “më shumë gjasa” të ketë rrjedhur nga një laborator kinez sesa të ketë ardhur nga kafshët.

Por agjencia e inteligjencës paralajmëroi se kishte “besim të ulët” në këtë përcaktim, shkruan BBC.

Vendimi për të publikuar këtë vlerësim shënon një nga të parët e marrë nga drejtori i ri i CIA-s, John Ratcliffe, i emëruar nga Donald Trump, i cili mori përsipër agjencinë të enjten.

Ratcliffe tha se ai dëshironte që CIA të braktiste qëndrimin e saj neutral për origjinën e virusit dhe “të dilte nga mënjanë”.

“Një nga gjërat për të cilat kam folur shumë është adresimi i kërcënimit nga Kina në një numër frontesh, dhe kjo shkon prapa tek arsyeja pse vdiqën një milion amerikanë dhe pse Agjencia Qendrore e Inteligjencës ka qëndruar mënjanë për pesë vjet. në mosbërjen e një vlerësimi për origjinën e COVID”, deklaroi ai./abcnews.al