Dalja në votime deri në ora 15:00, gati 226 mijë votues më pak se në vitin 2021

Qytetarët në Republikën e Kosovë po shfrytëzojnë të drejtën e tyre për të votuar në zgjedhjet parlamentare. Deri në ora 15:00 pjesëmarrja e votuesve është 17.36%, apo 342 mijë e 104 votues.

Mirëpo, krahasuar me pjesëmarrjen e votuesve në zgjedhjet e vitit 2021, po në orën e njëjtë (15:00), kjo pjesëmarrje del të jetë e ulët.

Në zgjedhjet e vitit 2021, në votime deri më orën 15:00 kishin dalë 32.32% apo 567 mijë e 934 qytetarë me të drejtë vote, me një diferencë prej 225 mijë e 831 votues më pak.

Për dallim nga viti 2021, në këto zgjedhje deri në ora 11:00, pjesëmarrja ishte më e lartë e votuesve se para katër vitesh.

Dalja në votime deri në ora 11:00 ishte 8.58% apo 169 mijë e 32 votues, ndërsa në vitin 2021 deri në ora 11:00, kjo përqindja ishte 8.3 apo 145 mij e 650 votues, që i bie 23 mijë e 382 votues më shumë.