Dy të vdekur dhe 31 të lënduar në një aksident trafiku në Kroaci

Dy persona kanë humbur jetën dhe 31 të tjerë janë lënduar si pasojë e një aksidenti që ka ndodhur mëngjesin e sotëm në autostradën Zagreb-Beograd, mes Popovaçës dhe Krizhit, ku u përplasën një makinë dhe një autobus, të dy me targa të Bosnjë e Hercegovinës.

Ministria e Shëndetësisë së Kroacisë, ka njoftuar se 29 nga të lënduarit janë transportuar për trajtim mjekësor në spitale në Zagreb, Sisak dhe Pakrac.

Automjeti u përplas fillimisht me një dre, gjë që bëri që makina të ndalonte në rrugë, më pas shoferi doli nga mjeti që t’u sinjalizonte automjeteve të tjera që të ngadalësonin, por autobusi nuk arriti ta shihte në kohë dhe u përplas me makinën. Si pasojë, makina theu gardhin mbrojtës dhe doli në korsinë e kundërt, ndërsa autobusi u përmbys, raporton HRT, përcjell albinfo.ch.

The post Dy të vdekur dhe 31 të lënduar në një aksident trafiku në Kroaci appeared first on Albinfo.