Emigranti që u kthye në Shqipëri e po kontribuon në turizmin lokal

Jeton Xhepa nga Dibra pas shumë vitesh në emigracion prej 3 vitesh ka hapur resortin e tij në vendlindje.

Kryeministri Edi Rama ndau sot në rrjetet sociale modelin e suksesshëm të Jeton Xhepës.

“Jetoni nga Dibra, pas viteve të gjata në emigrim, është rikthyer në vendlindje, duke hapur resort në Peshkopi, një vend që mishëron ëndrrën e tij për të kontribuar në zhvillimin e turizmit lokal”, shkruan Rama.

Në videon e publikuar nga Rama, Xhepa tha se “kam ikur në vitin 2000 në Itali si punëtor pastaj krijova një skuadër pune. Mendjen e kam pasur gjithmonë të kthehem në vendlindje. Më merrte malli gjithmonë për familjen. Prisja kur të kthehem të jem pranë familjes sime”.

“Ka 3 vjet që kam hapur biznesin tim. Sot jam shumë i kënaqur dhe nuk dua të iki më nga vendi im. Shqipëria po zhvillohet, kam besim se do të eci përpara dhe jam i kënaqur që jam kthyer nga Italia”, tha Xhepa.

Ai u shpreh se “ndërtimin e rrugës së Arbrit kemi rezervime edhe për hotelin dhe për restorin çdo ditë dhe në fundjavë”.

Xhepa fton shqiptarët në Itali të kthehen dhe të investojnë në vendlindjen e tyre.

Transformimi i zonave rurale në peizazhe tërheqëse, ka nxitur krijimin e agroturizmit, si një model i ri i zhvillimit rural në Shqipëri ndërsa politikat nxitëse synojnë kthimin e emigrantëve në atdhe, për të investuar në pronat e familjes.

The post Emigranti që u kthye në Shqipëri e po kontribuon në turizmin lokal appeared first on Albinfo.