Emigrimi/ OKB: Mbi 72,000 njerëz kanë vdekur ose janë zhdukur që nga viti 2014

Emigrimi i paligjshëm është kthyer në një fenomen shqetësues. Shumë persona kanë humbur jetën në tentativën e tyre, për t’u vendosur në një shtet tjetër në rrugë të rrezikshme.

Më shumë se 72,000 njerëz kanë vdekur ose janë zhdukur në të gjithë botën gjatë dekadës së fundit, bëri të ditur në një deklaratë OKB.

“Që nga viti 2014, më shumë se gjysma e këtyre 72,000 njerëzve kanë vdekur ose janë zhdukur ndërsa janë në lëvizje në vendet që përjetojnë trazira të dhunshme ose fatkeqësi, përfshirë Libinë, Iranin dhe Mianmarin”, thanë Kombet e Bashkuara.

Shumica e këtyre personave që kanë humbur jetën apo janë zhdukur kanë rezultuar nga vendet e goditura nga kriza.

/abcnews.al/