Formacionet e mundshme të gjysmëfinales së parë ndërmjet Arsenalit dhe PSG

As Arsenali dhe as PSG nuk e kanë fituar ndonjëherë Ligën e Kampionëve, por fituesi i kësaj ndeshjeje gjysmëfinale do të ketë një shans për të bërë histori.

Arsenali do të jetë nikoqir i ndeshjes së parë dhe, megjithëse nuk ka arritur në finalen e kësaj gare që nga viti 2006, nuk ka gjasa të ketë frikë të përballet me gjigantin e francez në gjysmëfinale, pasi e eliminuan Real Madridin me rezultatin e përgjithshëm 5-1 në çerekfinale.

T’i japësh fund pritjes gati 20-vjeçare për një paraqitje në finalen e UCL duket një mundësi realiste për ekipin e “Topçinjve”, të cilët janë të pamposhtur në pesë ndeshje të mëparshme kundër PSG-së (2 fitore, 3 barazime), me njërën prej këtyre fitoreve që erdhi tetorin e kaluar kur Arsenali fitoi 2-0 në fazën e ligës. Ky rezultat është pjesë e një serie prej 11 ndeshjesh pa humbje në ndeshjet në shtëpi të UCL (9 fitore, 2 barazime).

E njëjta gjë nuk mund të thuhet për PSG-në, e cila, pavarësisht se kishte fituar titullin e Ligue 1, ende po luante për një mori rekordesh. Këto rekorde u shuan të premten në mbrëmje kur u mundën 3-1 nga Nice, duke i mohuar mundësinë për të përfunduar një sezon si të pamposhtur në ligën franceze, megjithëse çmimi përfundimtar për parisienët këtë sezon mbetet Liga e Kampionëve.

Ndeshja nis nga ora 21:00 dhe këto janë formacionet e mundshme:

Arsenal: Raya; Timber, Saliba, Kiëior, Leëis-Skelly; Odegaard, Rice, Merino; Saka, Trossard, Martinelli

PSG: Donnarumma; Hakimi, Marquinhos, Pacho, Mendes; Ruiz, Vitinha, Neves; Barcola, Dembele, Kvaratskhelia.