“Jo në emrin tim!” – të rinjtë shqiptarë organizojnë sot tubim në Cyrih

Një grup të rinjsh shqiptarë në Zvicër ka organizuar një tubim në mbështetje të ish-krerëve të Ushtrisë Çlirimtare të Kosovës (UÇK), pas zhvillimeve të fundit në procesin gjyqësor në Hagë, transmeton albinfo.ch.

Tubimi, me moton “Jo në emrin tim!”, do të mbahet sot, të shtunën, më 19 shtator, në Helvetiaplatz në Cyrih, duke filluar nga ora 15:00.

Sipas njoftimit të organizatorëve, qëllimi i tubimit është që përmes një proteste paqësore të shprehet kundërshtimi ndaj asaj që ata e cilësojnë si padrejtësi ndaj ish-krerëve të UÇK-së.

Organizatorët u kanë bërë thirrje pjesëmarrësve të jenë të pajisur me flamuj kombëtarë, si dhe flamuj e simbole të UÇK-së.

Sipas tyre, tubimi është lejuar zyrtarisht nga Policia e Cyrihut.

Për pjesëmarrësit e interesuar, organizatorët kanë publikuar edhe një adresë kontakti për informata të mëtejshme./Albinfo.ch

The post “Jo në emrin tim!” – të rinjtë shqiptarë organizojnë sot tubim në Cyrih appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.