Federata e Futbollit: Kosova mori pjesë në Kongresin e UEFA-s në Beograd me simbolet shtetërore

Federata e Futbollit të Kosovës ka reaguar pas njoftimit se Federata e Futbollit e Serbisë ka hequr simbolet e Kosovës në Kongresin e 49-të të UEFA-s që ishte mbajtur në Beograd.

Sipas njoftimit nga FFK-ja, Kosova mori pjesë me simbole shtetërore në Kongresin e UEFA-s në Beograd, mirëpo në bazë të pamjeve të publikuara, Kosova ishte i vetmi vend që gjatë mbledhjes fillimisht e kishte flamurin e më pas vetëm logon e Federatës, transmeton albinfo.ch.

“E kuptojmë se prania e delegacionit të Kosovës në kryeqytetin serb, si dhe fakti që flamuri i shtetit tonë valëviti përkrah atyre të shteteve të tjera, vazhdon të jetë i papranueshëm për politikën dhe një pjesë të opinionit në Serbi. Megjithatë, shteti i Kosovës është një realitet i pakthyeshëm dhe sa më shpejt që ta pranojnë këtë, aq më shpejt do të kontribuojnë në normalizimin e marrëdhënieve sportive dhe shtetërore”, ka shkruar FFK-ja.

The post Federata e Futbollit: Kosova mori pjesë në Kongresin e UEFA-s në Beograd me simbolet shtetërore appeared first on Albinfo.