Granit Xhaka zbulon emrin e vogëlushes të porsalindur

Granit Xhaka është bërë baba për herë të tretë. Mesfushori kosovar ka njoftuar ardhjen në jetë të vajzës së tij. Ai ndërkohë ka zbuluar edhe emrin e saj, e cila do të quhet Neyana.

“Neyana Xhaka. 17.03.2025. Zemrat tona janë më plotë se kurrë”, ka shkruar ai.

Mesfushori 32-vjeçar e dha lajmin se do të bëhej baba për herë të tretë më 23 nëntor, në ndeshjen mes Leverkusen dhe Heidenheim.

Pas golit të shënuar, Xhaka zgjodhi një festim të veçantë. Ai vendosi topin poshtë barkut dhe iu drejtua kamerës, për të njoftuar se ishte në pritje të fëmijës së tretë.